თურქეთში საქართველოს ელჩისა და კონსულის შეხვედრა თანამემამულეებთან, ქ. ანკარა

ადგილი: თურქეთი, ანკარა ორგანიზატორი: საქართველოს საელჩო თურქეთის რესპუბლიკაში
დეტალები: 18 ოქტომბერს, ადგილობრივი დროით 14:00 საათზე, ქ. ანკარაში საქართველოს საელჩოში გაიმართება საქართველოს ელჩისა და კონსულის შეხვედრა თანამემამულეებთან. შეხვედრაზე საქართველოს მოქალაქეებს მიეცემათ შესაძლებლობა გაესაუბრონ საქართველოს ელჩსა და კონსულს მათთვის აქტუალურ საკითხებზე, როგორიცაა საკონსულო თემატიკა, გლობალური პანდემიის შედეგად წარმოქმნილი სირთულეები და სხვ. ამასთან, კორონავირუსის (COVID-19) გავრცელების პრევენციის მიზნით თურქეთის რესპუბლიკაში მოქმედი რეგულაციების შესაბამისად, შეხვედრაზე დაცული უნდა იქნას სოციალური დისტანცია და უსაფრთხოების სხვა ზომები. შესაბამისად, შეხვედრაზე დასწრების სურვილის შემთხვევაში, გთხოვთ, წინასწარ აცნობოთ აღნიშნულის თაობაზე თურქეთში საქართველოს საელჩოს, რომელსაც შეგიძლიათ დაუკავშირდეთ ტელეფონის შემდეგ ნომრებზე: +90 533 690 30 40 ან +90 539 220 82 80 ან +90 533 607 08 09.
https://www.facebook.com/GeorgianEmbassyTurkey/