პორტალი მუშაობს სატესტო რეჟიმში
ადგილი: საქართველო, თბილისი
ორგანიზატორი:
დეტალები: 11 ოქტომბერს, 18:00-ზე, საქართველოს პარლამენტის ეროვნული ბიბლიოთეკის საგამოფენო დარბაზი გერმანიასა და აშშ-ში მოღვაწე ქართველი მხატვრის, ვახტანგ ბარდაველიძის ნამუშევრების გამოფენის „სივრცედ ქმნილი ფერი“ გახსნას უმასპინძლებს. ვახტანგ ბარდაველიძის 50-ზე მეტი ნამუშევარი, ბოლო წლების განმავლობაში, საქართველოში პირველად გამოიფინება. მისი ნახატებითა და სკულპტურებით, ძირითადად, ამერიკელი და დასავლეთ ევროპელი კოლექციონერები იყვნენ დაინტერესებულები და ბევრი მათგანის კოლექცია ვახტანგ ბარდაველიძის ნამუშევრებსაც მოიცავს. საქართველოში კი, ამ დრომდე, მხოლოდ ვიწრო წრეში იყო ცნობილი. ნებისმიერ მსურველს, საქართველოს პარლამენტის ეროვნული ბიბლიოთეკის საგამოფენო დარბაზში ვახტანგ ბარდაველიძის ნამუშევრების დათვალიერება 11-დან 18 ოქტომბრის ჩათვლით, 10:00-დან 19:00-მდე შეეძლება. დასწრება თავისუფალია.
https://www.facebook.com/events/522051965195170/