დღეს, 30 აპრილს, გაერთიანებულ სამეფოში საქართველოს ელჩმა სოფიო ქაცარავამ პირველი, გაცნობითი ხასიათის ონლაინ შეხვედრა გამართა დიდ ბრიტანეთში მცხოვრებ ქართული დიასპორის წარმომადგენლებთან.
დისკუსიის ძირითადი თემა იყო მსოფლიო მასშტაბით ახალი კორონავირუსის (COVID-19) გავრცელების ფონზე, საქართველოს საელჩოს საქმიანობა და სხვადასხვა სფეროში მოღვაწე დიასპორის წარმომადგენლების ჩართულობა.
ონლაინ შეხვედრის ფარგლებში ხაზგასმით აღინიშნა, რომ ამ ეტაპზე, საელჩოს ერთ-ერთი უმთავრესი ამოცანა საქართველოს მოქალაქეების დახმარებაა.
ამ დრომდე, საქართველოს საელჩომ დიდი ბრიტანეთისა და ჩრდილოეთ ირლანდიის გაერთიანებულ სამეფოში სხვადასხვა სახის დახმარება გაუწია 200-მდე თანამემამულეს.
