16 დეკემბერს, ყვარლის ევროკლუბმა უმასპინძლა ვიდეო შეხვედრას ბელგიის სამეფოში საქართველოს საგანგებო და სრულუფლებიან ელჩთან და ევროკავშირში საქართველოს წარმომადგენელთან, ნატალი საბანაძესთან.
შეხვედრის ფარგლებში ელჩმა მიმოიხილა საქართველო-ევროკავშირის ურთიერთობები, ხაზი გაუსვა ევროპული ინტეგრაციის გზაზე საქართველოს მიერ მიღწეულ პროგრესს და საქართველო-ევროკავშირის ორმხრივ ურთიერთობებში არსებულ პოზიტიურ დინამიკას.
ელჩმა კითხვა-პასუხის რეჟიმში მიმოიხილა ეპიდემიოლოგიური საფრთხის ფონზე ევროკავშირში მიმდინარე პროცესები და ყურადღება გაამახვილა არსებული გამოწვევების ფონზე საქართველო-ევროკავშირის თანამშრომლობის პერსპექტივებზე.
დისკუსიას მოდერაციას უწევდა ახალგაზრდა ევროპელი ელჩი, ნიკა გურინი.
