20 მაისს უკრაინაში ქ. მირგოროდში, სრულიად უკრაინის საზოგადოებრივი გაერთიანების“გეორგია”- ს ორგანიზებით და უკრაინაში საქართველოს საელჩოს მხარდაჭერით, გაიმართა ქართული კულტურის რიგით მე-10 ფესტივალი, რომელიც წელს მიეძღვნა ქ. მირგოროდში დავით გურამიშვილის სახლ-მუზეუმის დაარსების50 წლისთავს.
ღონისძიება გახსნეს და მისასალმებელი სიტყვით დამსწრე საზოგადოებას მიმართეს საქართველოს საგანგებო და სრულუფლებიანმა ელჩმა გელა დუმბაძემ, ქ. მირგოროდის მერმა სერგეი სოლომახამ და სრულიად უკრაინის საზოგადოებრივი გაერთიანების “გეორგია”-ს პრეზიდენტმა ბესიკ შამუგიამ.
აღსანიშნავია, რომ ღონისძიების ფარგლებში გაიმართა საქართველოდან სპეციალურად მოწვეული მუსიკალური ანსამბლის “ქართული ხმები”-ს კონცერტი საქართველოს განათლების, მეცნიერების, კულტურისა და სპორტის სამინისტროს მხარდაჭერით ,
რომელმაც მსმენელის დიდი მოწონება დაიმსახურა.
