საბერძნეთში საქართველოს საელჩოს ცნობით, დღეს, 27 სექტემბერს, კუნძულ კრეტაზე მოხდა ძლიერი მიწისძვრა. საელჩოს განცხადებით, კავშირზე იმყოფებიან კუნძულზე მცხოვრებ თანამემამულეებთან. ამ დროისთვის, საელჩოს ხელთ არსებული ინფორმაციით, არც ერთი თანამემამულე არ დაზარალებულა.
შეგახსენებთ, რომ საჭიროების შემთხვევაში, შეგიძლიათ დაუკავშირდეთ საქართველოს საელჩოს საბერძნეთში ცხელ ხაზზე, რომელიც 24 საათის განმავლობაში ფუნქციონირებს:
+30 6995779793
ასევე, შესაძლებელია საელჩოს ოფიციალურ სოციალური მედიის ფეისბუქის გვერდზე დაკავშირება.