საქართველოს საელჩო საფრანგეთში, მიმდინარე წლის 2-3 დეკემბერს, ქ. სტრასბურგში გეგმავს საკონსულო შემოვლას, საქართველოს მოქალაქეებისათვის საკონსულო მომსახურების ადგილზე გაწევის მიზნით.
მოქალაქეთა მიღება გაიმართება ცოცხალი რიგით 2 და 3 დეკემბერს 10:00-14:00 საათამდე, შემდეგ მისამართზე:
6, rue Jean Hermann, 67000 Strasbourg, France
სტრასბურგში 2-3 დეკემბრის საკონსულო შემოვლის ფარგლებში შესაძლებელი იქნება შემდეგი მომსახურებების მიღება:
- პასპორტი/პირადობის მოწმობა;
- პირადი ნომრის მინიჭება;
- საქართველოში დასაბრუნებელი მოწმობა;
- სამოქალაქო აქტების განმეორებითი მოწმობები (დაბადების, ქორწინების, განქორწინების, გარდაცვალების, სახელის და/ან გვარის შეცვლის);
- ცნობები (ცნობა ქორწინების დამაბრკოლებელი გარემოებების არარსებობის შესახებ, ორთოგრაფიის დამოწმება, ნასამართლეობის შესახებ ცნობა, ცნობა მართვის მოწმობის შესახებ, ცნობა პენსიის შესახებ, Certificat de coutume);
- დოკუმენტის თარგმანი და დამოწმება;
- საქართველოს მოქალაქეობის საკითხები (მოქალაქეობის შენარჩუნება, საგამონაკლისო წესით მინიჭება, აღდგენის წესით მინიჭება, მოქალაქეობის დადგენა, მოქალაქეობის სპეციალური წესით მინიჭება).
დეტალური ინფორმაცია წარმოსადგენი დოკუმენტაციის და მომსახურების საფასურის შესახებ, გთხოვთ, იხილოთ შემდეგ ვებ-გვერდზე:
http://france.mfa.gov.ge/default.aspx?sec_id=1929&lang=1
დამატებითი კითხვების შემთხვევაში, გთხოვთ, დაუკავშირდეთ საქართველოს საელჩოს შემდეგ ნომერზე ან ელექტრონული ფოსტის მისამართზე:
01 45 02 11 07 (ყოველ ორშაბათს და ოთხშაბათს 15:00-17:00 და პარასკევს 10:00-13:00)
საკონსულო მიღებისას, გთხოვთ, გაითვალისწინოთ კოვიდ პანდემიის უსაფრთხოების წესები და ატაროთ პირბადე.