საბერძნეთში საქართველოს საელჩოს ინფორმაციით, 2021 წლის 4 და 5 დეკემბერს, ათენში, „ამაქსოსტასიოს“ ღია სივრცეში, გაიმართება ყოველწლიური საქველმოქმედო საშობაო გამოფენა-გაყიდვა.
ტრადიციულად, საქველმოქმედო საშობაო გამოფენა-საყიდვაზე საქართველოს საელჩოც იქნება წარმოდგენილი. ღონისძიების ფარგლებში, ქართულ სტენდზე წარმოდგენილი იქნება საბერძნეთში მცხოვრები ქართველების მიერ შექმნილი ხელნაკეთი ნივთები და აქსესუარები, ქართული ღვინო, ასევე საქართველოს ტურისტული პოტენციალის ამსახველი ფოტო-ვიდეო მასალა.
ღონისძიებაში მონაწილეობას მიიღებენ ქორეოგრაფიული ანსამბლები:
ათენის კულტურის ცენტრი ,,კავკასიის” (შაბათს, 4 დეკემბერს, 11.30 საათზე);
ბერძნულ-ქართული კულტურული ასოციაციის (კვირას, 5 დეკემბერს, 14.00 საათზე).
მისამართი: ათენი, „ამაქსოსტასიო“ (ΑΜΑΞΟΣΤΑΣΙΟ, Πειραιώς και Ερμού, Αθήνα 105 53).
ორდღიანი გამოფენა-გაყიდვა დაიწყება 10.00 საათზე და გაგრძელდება 20.00 საათამდე.
დასწრება უფასოა.
გთხოვთ, გაითვალისწინოთ, რომ როგორც მონაწილეებისთვის, ისე სტუმრებისთვის, აუცილებელია აცრის დამადასტურებელი ცნობის წარდგენა.
4 წლიდან 17 წლამდე მოზარდებმა უნდა წარადგინონ სწრაფი ან rapid ტესტების პასუხი.