2023 წლის 7 - 9 სექტემბერს ქალაქ რიგაში, ლატვია, გაიმართება „Riga Food 2023“ საერთაშორისო გამოფენა.
გამოფენაში მონაწილეობას იღებს 400-ზე მეტი კომპანია 25-მდე ქვეყნიდან, მათ შორის იქნება 12-მდე ნაციონალური პავილიონი. სურსათის, სასმელების, საკვების გადამამუშავებელი ტექნოლოგიების, შეფუთვის, ინოვაციების, Horeca-ს და მაღაზიის აღჭურვილობისა და სერვისების საერთაშორისო გამოფენა "Riga Food" არის ერთ-ერთი ყველაზე დიდი კვების მრეწველობის გამოფენა ბალტიის პირეთის ქვეყნებში.
ა(ა)იპ - სოფლის განვითარების სააგენტოს ორგანიზებით, გამოფენაში მონაწილეობა შეეძლებათ მხოლოდ საკვები ან/და სასმელი პროდუქციის მწარმოებელ კომპანიებს.
განაცხადების მიღება გამოფენის შესარჩევ კონკურსში ხორციელდება 27 ივნისის 09:00 სთ-დან 18 ივლისის 18:00 სთ-ის ჩათვლით.
გამოფენის შესარჩევ კონკურსში მონაწილეობის მისაღებად უნდა აკმაყოფილებდეთ შემდეგ კრიტერიუმებს:
- გასული კალენდარული წლის წლიური ბრუნვა უნდა შეადგენდეს არანაკლებ 50,000და არაუმეტეს 20,000,000 ლარს;
- წარმოებული პროდუქცია უნდა შეესაბამებოდეს საერთაშორისო გამოფენის შინაარსს;
- წინა ერთი კალენდარული წლის პერიოდში განხორციელებულ საერთაშორისო გამოფენებზე მონაწილეობისას არ უნდა ჰქონდეს დარღვეული ხელშეკრულების პირობები;
- არ უნდა ჰქონდეს სააგენტოსთან მიმდინარე სასამართლო, სააღსრულებო და სხვა სამართლებრივი წარმოება/დავა;
- არ უნდა ჰქონდეს საგადასახადო დავალიანება სახელმწიფოს მიმართ.
შესარჩევ კონკურსში მონაწილეობის მისაღებად წარსადგენი დოკუმენტების ნუსხა და სხვა დამატებითი ინფორმაცია შეგიძლიათ იხილოთ ბმულზე:
https://rda.gov.ge/articles/exhibitions/riga-food-2023