საქართველოს მოქალაქეების საყურადღებოდ!
მიმდინარე წლის 23-24 ივნისს ქ. ნიცაში დაგეგმილია საკონსულო შემოვლა, საქართველოს მოქალაქეებისათვის საკონსულო მომსახურების ადგილზე გაწევის მიზნით.
მოქალაქეთა მიღება გაიმართება ცოცხალი რიგით 23 და 24 ივნისს 10:00-15:00 საათამდე, შემდეგ მისამართზე: 18 Boulevard Louis Braille, Bâtiment 1, 06300 Nice.
ტრამვაი 1 ხაზი, გაჩერება Saint Charles
23 და 24 ივნისს საკონსულო შემოვლის ფარგლებში, შესაძლებელი იქნება შემდეგი მომსახურებების მიღება:
1. პასპორტი/პირადობის მოწმობა;
2. პირადი ნომრის მინიჭება;
3. საქართველოში დასაბრუნებელი მოწმობა;
4. სამოქალაქო აქტების განმეორებითი მოწმობები (დაბადების, ქორწინების, განქორწინების, გარდაცვალების, სახელის და/ან გვარის შეცვლის);
5. ცნობები (ცნობა ქორწინების დამაბრკოლებელი გარემოებების არარსებობის შესახებ, ორთოგრაფიის დამოწმება, ნასამართლეობის შესახებ ცნობა, ცნობა მართვის მოწმობის შესახებ, ცნობა პენსიის შესახებ, Certificat de coutume);
6. დოკუმენტის თარგმანი და დამოწმება;
7. საქართველოს მოქალაქეობის საკითხები (მოქალაქეობის შენარჩუნება, საგამონაკლისო წესით მინიჭება, აღდგენის წესით მინიჭება, მოქალაქეობის დადგენა, მოქალაქეობის სპეციალური წესით მინიჭება);
დეტალური ინფორმაცია წარმოსადგენი დოკუმენტაციის და მომსახურების საფასურის შესახებ, გთხოვთ, იხილოთ შემდეგ ვებ-გვერდზე - http://france.mfa.gov.ge/default.aspx?sec_id=1929&lang=1
დამატებითი კითხვების შემთხვევაში, შეგიძლიათ, დაუკავშირდეთ: 01 45 02 11 07 (ყოველ ორშაბათს და ოთხშაბათს 15:00-17:00 და პარასკევს 10:00-13:00)
